Txio jarriko du martxan 'Eitb.com'-ek igandean

INTERNET. Hauteskunde gauean, Eitb.com-ek Txio ekimen berria jarriko du martxan, Codesyntax enpresaren eskutik. Umapekin erabiltzen duten teknologia baliatuz, telebistan zuzenean igortzen ari diren emanaldi bat aldi berean Twitterren erabiltzaileek komentatu ahal izatea da tresnaren helburua. Frantziako Tourrean proba moduan erabili zuten. Halaber, EITBren webguneak euskal blogariei gonbidapena egin die hauteskunde gauean Bilboko egoitzan elkartzeko. Maiatzeko hauteskundeetan 30 blogari bildu ziren Bilbon.