Ubuntu One fitxategia Interneten ostatatzeko zerbitzua da. Ubuntu sistema eragilearen sortzaile Canonical enpresak abiarazi zuen doako zerbitzu hori orain dela bi urte. Zerbitzua nabigatzailetik ere erabil daiteke, edozein ordenagailutatik, baina Ubunturekin. Ubuntu One sistemaren beste karpeta bat izango balitz bezala erabil daiteke, hau da, sistemarekin guztiz bateragarria da.
Ubuntu One zerbitzua abiarazi eta hilabete batzuk geroago, iOS eta Android sistemetarako ere aplikazioak garatu ziren. Beraz, on-line zerbitzua sistema eragile horietako bat erabiltzen duten sakelako telefonoekin ere bateragarria da.
Egun, MS Windows sistemetarako aplikazioaren bertsio egonkorra argitaratuta dago. Badira hilabete batzuk bertsio ez egonkorra bazegoela. Aplikazioa doakoa da, eta MS Windows 7, MS Windows Vista eta MS Windows XP-rekin bateragarria da. Hala ere, oraindik hutsune batzuk ditu. Esaterako, kontaktuak oraindik ezin sinkronizatu daitezke. Sinkronizatzeko karpeta berriak ere ezin dira sortu bertsio horretan. Hona hemen aplikazioa deskargatu daitekeen lotura: https://one.ubuntu.com/downloads/windows/.
Zibergela
Ubuntu One eskuragarri dago Windows sistemetarako
Iruzkinak
Ez dago iruzkinik
Ordenatu
