Ultzaman 150 karramarro harrapatzeagatik salatuak

IRUÑEA. Ultzama ibaian 150 karramarro harrapatu zituzten bi laguni salaketa jarri die Guardia Zibilak. Arrantza debekatua zegoen eremuan hartu zituzten karramarroak, Guardia Zibilak azaldu duenez. Ultzama ibaiko karramarroak Soraurenen bakarrik harrapa daitezke, 25 ale pertsona eta egun bakoitzeko. Atzemandako bi lagunak Ezkabako tunelaren parean zeuden.