Africa Express liburuaren inguruko solasaldia izango da gaur Bidarten (Deustua, Bilbo), liburuaren egile Urtzi Urrutikoetxea kazetariaren (Bilbo, Bizkaia, 1977) eskutik, 20:00etan.
Afrikara eginiko bidaia baten kronika osatu zuen liburu horrren bidez, 2008an. Lan faltak eta bidaiatzeko zaletasunak bultzatuta, munduko hainbat txoko ezagutzeko aprobetxatu zuen Urrutikoexeak, eta, bide batez, haietan bizi eta ezagututakoak argitaratzeari ekin zion.
Hegazkina hartu beharrean, Euskal Herritik hegoalderako bidea pixkanaka egin zuen, hala,lurralde bakoitzeko ezaugarri klimatikoak bizitzeko.
Ordenagailu eramangarria aldean hartuta, Afrikako esperientzia blog batean kontatu zuen lehenik, noizean behin egiten zituen eguneraketen bidez. Itzuleran, bildutako material hori liburuan argitaratzeko gomendatu zioten, eta horrela sortu zen Africa Express.
Afrikara eginiko bidaia, ordea, ez da Urrutikoetxeak egin duen bakarra: Europa, Amerika eta Asian ere egondakoa da. Horietara guztietara eginiko bidaiak baliatu ditu kazetari lanari ekiteko. Hala, tokian tokiko egoera ezagutu eta berak bizitakoaren bidez, leku horietako errealitateak argitaratu ditu. Esan daiteke bidaiatzeko beste modu bat aurkitu duela Urrutikoetxeak.
'AFRICA EXPRESS'
Non. Bidarten (Deustua, Bilbo).
Noiz. Gaur, 20:00etan.
Zaletasuna eta lanbidea, bat
Urtzi Urrutikoetxeak 'Africa Express' lanaz hitz egingo du gaur Bilbon; bidaia kronika biltzen duen liburua da
Iruzkinak
Ez dago iruzkinik
Ordenatu
