Zazpi abesbatza, mahastien festan

BAIGORRI. Euskal Herriko zazpi lurraldetako gizonezkoen abesbatzak elkartuko dira bihar, Baigorrin, Irulegiko ardoa goraipatzeko antolatutako mahastien festaren harira. Voces Graves, Ertizka Otxotea, Santa Luzia abesbatza, Garaizar'ko Matsorriak, Nekez Ari, Xiberoko Zohardia eta Bihotzez abesbatzak arituko dira. Ikuskizuna 20:30ean hasiko da, herriko elizan. Sarrerak 13 eta 15 eurokoak izango dira, eta 8 urtetik beherakoentzat, doan.