Zegama-Aizkorri mendi maratoirako izen ematea urtarrilaren 16an irekiko dute

Maiatzaren 20an jokatuko da 2012ko Zegama-Aizkorri mendi maratoia, baina bertan parte hartu nahi dutenek lehenengo urratsa urtarrilaren 16tik aurrera egin behar dute. Egun horretan irekiko dute proban izena emateko epea, eta hilaren 27an itxiko dute. Izen ematea www.kirolprobak.comatarian egin behar da. Egun horietan izena ematen dutenen artean225 zenbaki zozketatuko dituzte, otsailaren 24an, Zegamako udaletxean. Aurten ere 450 lasterkariren muga jarri dute antolatzaileek. Argibide gehiago: www.zegama-aizkorri.net.