Zirkuan animaliarik ez egoteko eskatu dute

BILBO. ATEA animaliei tratu etikoa ematearen aldeko elkarteak Bilboko Udalari zirkuan animaliekin lan egitea debekatzeko eskatu dio. Egun hauetan Bilbon izango da zirkua. Salatu dute animaliei ez dietela ematen dagokien tratua, eta argudiatu animalien egoera naturala ez dela zirkuko lana. Ikuskizuna egiteko aurretiko lanetan animaliek diziplina bortitza jasotzen dutela-eta animalien tratuaren inguruko legea hausten dutela ere salatu dute.