Euskal tradizioetan, etxeko sukaldea da erdigunea, baina, egun, ohitura berrien artean, lagun artean pintxoak jatea bilakatu da izarra; eta, nola ez, tokiko edariekin hartu behar dira pintxoak. Sagardoa baino zer edari hobeagorik janaria bikaintzeko. Kupela sagardoa ezin hobea da otorduak laguntzeko. Euskal Herriko sagardoa berriztatzeko eta ezagutzeko gogoa dute lankideek: gustu berriak probatu, muztioa eta sagardo organikoak ekoitzi eta formatu berriak sortzeko dihardute lanean. Aingura sagardo gozo organikoa eta Elkano Ameriketako Estatu Batuetako inportazioentzako burdinazko lata batean ezarritako sagardoa dira Kupelaren azken bi berritasun nabarmenenak. Hiru produktu mota merkaturatzen dituzte nagusiki: sagardoa, sagardo aparduna eta muztioa. Sagardoa modu tradizionalean landuta, bi sagardo mota egiten dituzte: lehorra eta lehorra bio. Euskal Herrian horren ohikoa ez den sagardo eztia ere badute aukeran, aurreko bi sagardoak baino gozoagoa, eta baita sagardoaren aldaera apardun bat ere, aurrekoak baino biziagoa. Ameriketako mikrosagardotegiei keinu egiteko sortu zuten Basque Cider 33cl-ko botiletan saltzen duten garagardoaren alternatiba paregabea. Muztioetan, bi tamainatako botilak dituzte aukeran: handiak eta 25cl-koak. Handien kasuan, bi aukera dituzte: naturala eta naturala bio. Produktu biologikoak ekoizteko, laborantza biologikotik eratorritako sagarrak hautatzen dituzte Kupelako sagardogileek. Sagarraren berezko azukrea baino ez dute erabiltzen muztioa ekoizteko. Produktu guztiak glutenik gabekoak dira, ezin egokiagoak zeliakoentzat. Gainera, koloragarri, kontserbagarri eta gehigarri artifizialik gabekoak dira.
Badirudi sagardoak betidanik leku nagusia duela euskal mahaietan. Euskal marinelek edari hori haien mugen gaindi ezagutarazi zuten, egindako bidaia ugarien ostean. Sagardo hori beren ontzietako upeletan eramaten zuten, haren barnean aurki daitekeen C bitamina eskorbutoaren aurkako erremedio bikaina baitzen. Orduz geroztik, euskal sagardoa erreferentzia bat da gastronomiazale guztientzat. Horregatik, Kupelak Euskal Herriko mugetatik at ere saltzen ditu produktuak, Espainiako eta Frantziako estatuetan batez ere. Sagardotegia Gipuzkoan dago, baina Kupelaren egoitza soziala Angelun dago, Lapurdin, eta, bertatik, frantsesekin lotura komertzial sendoak ezarri dituzte azken urteetan. Kupelak modu tradizionalean ekoizten du sagardoa, AstigarragakoEtxeberria sagardotegian. Euskal Herriko klima hezea eta epela naturalki egokia da sagarraren kulturarako. Hilabetez ongi ondutako sagarrak hautatzen dituzte sagardoa egiteko. Astigarraga inguruetako sagastietan hazi eta gero, modu tradizionalean biltzen dituzte. Sagardoa hartziduraren bidez sortzen da, azukrerik, urik edo bestelako gehigarririk nahastu gabe. Sagardogileen trebetasunaren eta eskarmentuaren bidez, Kupela sagardoak lortzen ditu nortasun handi bat, zapore orekatuak eta sagar freskozko eztitasun garratz nabarmenak. Azukre gutxi duenez, eskuz egindako edaria ezin gozagarriagoa da pintxo batzuekin edo beste jaki gazi batzuekin hartzeko.
Informazio gehiago bildu nahi izanez gero, bisitatu webgune hau: www.kupela.fr
