Suitzan egoitza duen talde kosmopolita honek bere txokoa aurkitu du rock-and-rollaren ordoki zabalean. Arrainak uretan bezala mugitzen dira, boogie, blues, rock eta abarren bidez, hirurogeita hamarreko hamarkadan egiten zen urrezko rockean dituztela sustraiak. Hirukotea, gaur egungo rock-and-rollaren ohorezko taldeetako bat izateaz harro egon daitekeena, bere laugarren diskoan ari da lanean, eta Burlatan horren aurrerapen bat eskainiko du.