Petrolioak bereganatzen ditu komunikabideetako lerroburuak, baina urre beltza ez da prezioen zoramenean harrapatuta dagoen lehengai bakarra. Kobrea, zinca, zilarra eta urrea inoizko prezio handienetan edo handik gertu daude. Kobrea, adibidez, hain dago garesti, gaur egun, AEBetan kobrezko penny txanponak 1,8 zentimo balio ditu, bere balioaren gainetik.
Urrearen kasuan, ontza batek 600 dolarreko langa gainditu du asteon. Asteartean 604 dolarreko prezioa iritsi zuen, 1980ko abenduaz geroztik prezio handiena. Beste gerra bat egoteko mehatxuaren eta dolarraren gain dauden tentsio handien eraginez, inbertsiogile askoren babesleku bihurtu da urrea. 2002 hasieratik bikoiztu egin du bere balioa, eta 850 dolarrera irits daitekeela aurreikusten da.
1980ko hamarkadaz geroztik urreak balio handiena iritsi du
600 dolarretik gora igo da ontza urrea eta urte hasieratik %16 inguru garestitu da
Iruzkinak
Ez dago iruzkinik
Ordenatu
