2012an aurrekontua %5 handitu nahi du Bruselak

BRUSELAS. Europako Batasunaren datorren urterako aurrekontuen zirriborroa aurkeztu du Janusz Lewandowski Aurrekontuetarako komisarioak, eta gastua %4,9 handitzea aurreikusi du, justu bertako herrialdeei egiteko eskatzen zaienaren kontrakoa. Kredituak ordaintzeko 132.739 milioi euro erabiltzea jasotzen du zirriborroak, aurten baino 6,2 milioi gehiago.