Datu makroekonomikoak benetako egoera gordinaren isla dira aspaldi honetan. Eustatek jakinarazi duenez, %1,7 egin du atzera BPGak 2012ko laugarren hiruhilekoan, aurreko urtekoaren aldean. 2012. urteari dagokionez, 23.000 lanpostu garbi galdu dira. Urte osoa kontuan hartuta, EAEko ekonomiak %1,2 egin du atzera, erakundeak berak aurreko astean ezagutzera eman zuenez. Iazko azken hiruhilekoa bosgarrena da jarraian ekonomia atzera egiten ari dela.
Jaurlaritzak dioenez, BPGaren gainbehera moteltzen joango da 2013ak aurrera egin ahala, baina ez da hazkunderik izango urte osoan. Aurtengo lehen hiruhilekorako BPGaren %1,6ko jaitsiera aurreikusi du; bigarrenerako, %1,4koa; hirugarrenerako, %1ekoa; eta laugarrenerako, %0,3koa.
