Aste honetako hirugarren lan istripua da gaurkoa. Irunen gertatu da, goizaldeko 01:40 zirela, plastikoak egiten dituen Irungo Alay enpresan. 50 urteko gizonezkoa lanean ari zen, eta zaku bat erori zaio gainera. Segurtasun Sailak jakinarazi duenez, auzitegi medikuek autopsia egingo diote datozen orduetan.
Aste hasieran beste bi langile hil ziren lan istripuz, Bedian bata eta Azpeitian bestea. Sindikatuek ohartarazi dute lan istripuena ez dela "koiunturala", "oinarrizko" arazo baten ondorio baizik.
