Agur 500 euroko billete polemikoari. Erabakia gaur hartu du EBZ Europako Banku Zentraleko gobernu kontseiluak. 500 euroko billetean jaulkipena behin betiko geldituko da, eta ez da billeteekin egiten ari den Europa serie berriaren parte izango.
Bi urte barru 200 eta 100 euroko billeteen bertsio berriak kaleratuko ditu banku zentralak. Orduan ordezkatu behar zuen baita ere 500 eurokoa, baina ez du egingo. Hortaz, 2018an etengo da ofizialki 500 euroko bileeteen jaulkipena.
Balio handiko billeteen bidez legez kanpoko jarduerak errazten ari diren susmoak eraman du EBZ erabakia hartzera. Susmo hori salatu izan dute nazioarteko hainbat erakundek eta Europolek berak.
Kalean dauden 500 euroko billeteek ez dute baliorik galduko, eta legezkoak izaten jarraituko dute. Balioa "betirako" gordeko dutela adierazi du EBZk. Beste billete mota guztiei —5 eta 200 euro artekoak— eutsiko zaie, aldaketarik gabe.
