55 langile kaleratzeko erregulazio eskaera egin du Comansak

Huarteko Comansa enpresak 55 langile botatzeko erregulazio eskaera aurkeztu zuen herenegun, arazo ekonomikoak argudiatuta. Hirugarren urtez jarraian galera handiak izango dituela dio. Lan taldearen %36 kaleratzea da Huarteko garabi fabrikatzailearen asmoa, baina erregulazio neurriek ez lieke haiei bakarri eragingo. Enpresan geratuko liratekeen 77 langileei lanaldia %30 murriztuko lieke datorren urteko abenduaren 31 bitarte. Erretiro partziala hartuta duten 22 langileentzat neurririk, aldiz, ez du aurreikusi enpresak.