90,6 milioi euro, Sabadellen irabazi garbia

BARTZELONA. Irailera arte 90,6 milioi euroko irabazi garbia lortu du Banco Sabadellek, 2011ko denbora berean baino %56,3 gutxiago. 2.170 milioi euro bideratu ditu Espainiako Gobernuaren dekretuak agintzen duen kaudimen funtsera; horregatik dago alde hori kopuruetan. Josep Oliuk presidente duen bankuak urteko hirugarren hiruhilekoaren irabazi osoa funts horretara bideratu du.