Abadiñoko lan istripua gaitzetsi dute sindikatuek

BILBO. ELAk, LABek eta CCOOk, bakoitzak bere aldetik, elkarretaratzea egin zuten atzo asteartean izandako lan istripua salatzeko. Material batzuen bila zihoala, auto batek harrapatu, eta hil egin zen Abadiñoko Secor enpresako behargina. Sindikatuek, besteak beste, lan ezbeharren aurkako neurriak aldarrikatu zituzten atzoko protestan.