Langabeziak gora egin du urtarrilean ere, eta guztira 230.878 behargin zeuden urtarril amaieran lanik gabe. Abendu amaierako datuen aldean, 9.851 langile gehiago dira.
Nafarroan hazi da gehien lana galdu dutenen kopurua: 3.653 behargin gehiago daude langabezian, eta 55.597 dira guztira. Biztanle kopurua aintzat hartuta ere Nafarroan hazi da gehien langabezia tasa: %7,03, iazko abenduarekin alderatuta.
Bizkaia da, ordea, langabe kopuru handiena duena: 97.761, urtarril amaieran. Azken hilabetean 2.950 pertsonak galdu dute lana herrialde horretan. Gainera, Araban egin du gora gehien langabeziak, iazko urtarrileko datuekin alderatuz gero: %14,78 hazi da tasa.
Sektoreka, nekazaritzan jaitsi egin da langabe kopurua Araban, Bizkaian eta Gipuzkoan. Aldiz, lau herrialdeetan zerbitzuen alorra izan da lanpostu gehien galdu duena.
Datuak
Araba. Urtarril bukaeran, 27.797 langabe.
Abendutik, +1.213 (+%4,56); iazko urtarriletik, +3.580 (+%14,78).
Bizkaia. Urtarril bukaeran, 97.761 langabe.
Abendutik, +2.950 (+%3,11); iazko urtarriletik, +10.098 (+%11,52).
Gipuzkoa. Urtarril bukaeran, 49.723 langabe.
Abendutik, + 2.035 (+%4,27); iazko urtarriletik, +5.736 (+%13,04).
Nafarroa. Urtarril bukaeran, 55.597 langabe.
Abendutik, +3.653 (+%7,03); iazko urtarriletik, +5.448 (+%10,86).
Hego Euskal Herria. Urtarril bukaeran, 230.878 langabe.
Abendutik, +9.851; iazko urtarriletik, +24.862.
