Juan Ramon Ibarra Bizkaiko Foru Aldundiko Ogasun Saileko ikuskaritza zuzendariorde ohia absolbitu egin du Bizkaiko Auzitegiak, gaur jakinarazi duen epaian. Berrehun zergapeko euren betebehar fiskaletik libratzeko ustelkeria egitea egotzi zion fiskalak, eta hamar urteko kartzela zigorra eta 800.000 euroko isuna eskatu zuen Ibarrarentzat. Faltsifikazioa, prebarikazioa eta desobedentzia leporatu zizkion.
Hari lagundu ziotelakoan, zortzina urteko espetxea eskatu zuen fiskalak Ogasuneko beste hiru funtzionarioentzat —Valvanera Canal, Jose Luis Silvestre eta Joaquin Tebarrentzat—, baina horiek ere kargurik gabe utzi ditu auzitegiak.
Urtarrilaren 17an hasi zen epaiketa, Bilbon. Akusazioak ukatu egin zituen Ibarrak.
