Hona hemen, Igandean, irakurgai izango denaren aurrerapen bat.
Ainhoa Etxaide:
"Behargin bat hiltzen den bakoitzean barrenak mugitzen zaizkigu. Haserrea, frustrazioa eta amorrua gordetzen dira erreakzio hitzen artean".
"Oraintxe hasi gara hitz egiten sufritutakoaz, erabaki zehatzek ekarri dutenaz. Zaindu eta sendatu egin behar dugu. Zergatik ez dugun lehen egin? Parametro jakin batzuetan egin delako borroka".
Angel Toña:
"Maite duzun laguna duzu kartzelan, semea, alaba, beren arazoekin, ikasketekin, istripuen kontuekin... Beste kontu bat da diskurtsoa. Guraso askok bakarrik nahi zuten seme-alabarekin egon, eta pozik egon une batez".
"Badakizu zer esan zidan Ainhoak bere despedidan? Sozialista dela. Ba ni ez naiz. Izan nahiko nuke, baina mundu hau ez dut sozialista ezagutuko. Beste mundu bat nahi dugunok gutxi agintzen dugu".
