Egun batekin nahikoa izan da. 1.100 langilek greba egin zuten atzo, lantaldearen %98k, sindikatuen iturriek esan dutenez. Gaur, berriz, lan hitzarmena adosteko akordioa egin dutela jakinarazi dute aldeek, eta astebeteko iraupena zuen lanuztea bertan behera utzi dute beharginek. UGT, BUB eta USO sindikatuen oniritzia du zuzendaritzarekin egindako akordioak, eragin orokorreko lan ituna berritzeko. Haiek deitu zuten grebara, eta haiek lotu dute akordioa enpresarekin.
2016tik 2019rako soldata igoera KPIaren arabera gaurkotuko dela jasotzen du balizko itunak. Bihar batzartuko dira aldeak berriro ituna idazteko. Lau urteko iraupena izango duela aurreratu dute, ordea. CCOOk eta ELAk ez dute iritzirik eman oraindik, eta ikusteko dago itunaren alde ala kontra bozkatzera deituko duten.
