Wolfgang Schauble Alemaniako Gobernuko Finantza ministroak ohartarazi du 2012. urtea 2011 baino "zailagoa" izango dela "seguruenik", "euroguneko herrialdeen zor publikoagatik eta mundu osoan krisi ekonomikoa okertu egingo delako.
Schaublek Bild egunkarian emandako elkarrizketan adierazi du Alemania "ondo prestatuta" dagoela egoera horri aurre egiteko eta beste estatuek "euren aurrekontuetan gauzak ordenean" jarri beharko dituztela, "merkatuei berriro konfiantza helarazteko beharrezko neurriak hartuta".
Alemaniarren %36k uste dute euroak porrot egin duela, Faktenkontor eta Toluna institutuek egindako inkestaren arabera. Hain justu, hamar urte bete dira euroa martxan jarri zutela, eta alemaniarren %32k iritzi diote hainbat herrialdek eurogunea utzi egin beharko dutela euren zor publikoagatik.
Dena dela, Alemaniako bizilagunen %56 baikor dira Europako diruaren etorkizunari buruz.
