Alemaniako esportazioak, lehen aldiz bilioitik gora

BERLIN. 2010etik %11,4 hazi ostean, estrainekoz bilioi bat eurotik gorako balioa izan zuten Alemaniaren esportazioek iaz. Inportazioek ere %13,2 egin zuten gora. Bien arteko konparaketa eginda, 158.100 milioi euroko superabit komertziala izan du herrialdeak. Aurtengo aurreikuspenak, ordea, ez dira hain baikorrak. Adituek diote Europako Batasuneko gainerako herrialdeen krisiak nabarmen eragingo diola.