Amaitu da zergak hiru hilera pagatzeko aukera

DONOSTIA. Gipuzkoako Foru Aldundiak bertan behera utzi du enpresei zergak hiru hilabeteko atzerapenarekin pagatzeko aukera. Azken bi urteetan egon da indarrean, krisiaren ondorioei aurre egiteko. Salbuespena lurraldeko «industria motorrak» izango direla zehaztu du Pello Gonzalezek, Ogasun diputatuak. Iaz 5.704 enpresak eskatu zuten atzerapena, eta iaz urte amaieran 169 milioi zor zizkioten Diputazioari.