Pabolak 28 urtez egin zuen lan Arrigorriagako Montero Kaefer enpresan, eta amiantoarekin kontaktuan aritzearen ondorioz asbestosia eta biriketako minbizia diagnostikatu zioten. Asviamie elkartearen sortzaileetako bat zen. Aurten gutxienez beste bost lagun hil dira amiantoaren erruz.
AHTa eraikitzeko lanetan ari zen behargin batek istripua izan zuen atzo, Hernanin. Langilea, 35 urtekoa eta Portugalgoa, hanka hautsi zuen plataforma batean zegoela, hogei metroko altueran. Suhiltzaileek erreskatatu behar izan zuten eta Donostia ospitalera eraman. 2008tik gutxienez sei langile hil dira Euskal Herrian abiadura handiko trenaren lanetan.
