Alemaniako Parlamentuak onartu egin du EFSF Europako funtsa handitzea, eta Angela Merkelek, modu horretan, legebiltzarkideen babesa jaso du. 523 diputatuk bozkatu dute alde, 85k kontra eta 3 abstentzio izan dira. Erreforma ez onartzea kolpe gogorra izan zitekeen Merkelentzat, baurko bozketa zentsura mozio gisa aurkezten baitzuten askok.
Gainera, Merkelen gobernua osatzen duen koalizioak berez eman ditu bozketa irabazteko beharrezkoak ziren botoak baino gehiago, aurreko egunetan koalizioko zenbait diputaturen jarrera argi ez bazegoen ere. Bozketaren aurretik eztabaida sutsua izan da, eta azkenean koalizioko alderdiez gain oposizio sozialdemokratak eta berdeek aldeko botoa eman dute.
