Jaitsi egin da Hego Euskal Herriko langabe kopurua maiatzean, apirilaren aldean. 1.630 pertsona gehiago zeuden lanean maiatz amaieran, eta orotara 231.403 behargin daude lanik gabe. Iazko maiatzarekiko, ordea, 20.946 pertsona gehiago daude lanik gabe.
Araban, Gipuzkoan eta Nafarroan, jaitsi egin da langabezia, baina igo, aldiz, Bizkaian. Nafarroan murriztu da gehien langabe kopurua.
Langabezia tasak behera egiteko hilabetea izan ohi da maiatza, eta hala egin du aurten ere. Hala ere, iazko maiatzean handiagoa izan zen langabe kopuruaren beherakada; 2012ko maiatzean 2.344 pertsona gehiago ari ziren lanean iazko apirilarekiko; aurten, 1.630 gehiago.
Datuak
Araba. Maiatz bukaeran, 28.161 langabe.
Apiriletik, -162 (-%0,57); iazko maiatzetik, +3.203 (+%12,83).
Bizkaia. Maiatz bukaeran, 100.188 langabe.
Apiriletik, +190 (+%0,19); iazko maiatzetik, +9.575 (+%10,57).
Gipuzkoa. Maiatz bukaeran, 49.869 langabe.
Apiriletik, -399 (-%0,79); iazko maiatzetik, +4.532 (+%10,00).
Nafarroa. Maiatz bukaeran, 53.185 langabe.
Apiriletik, -1.259 (-%2,31); iazko maiatzetik, +3.636 (+%7,34).
Hego Euskal Herria. Maiatz bukaeran, 231.403 langabe.
Apiriletik, -1.630; iazko maiatzetik, +20.946.
