Espainiako Lan eta Segurtasun Sozialerako Ministerioak eman berri ditu apirilari dagozkion langabezia datuak. Horien arabera, hobera egin du lan munduak martxotik hona, eta 2.615 langabe gutxiago daude uneotan Hego Euskal Herrrian. Lurraldeka, Nafarroa da datu hoberenak eskuratu dituena. Han 1.240 langabe gutxiago daude martxoaz geroztik; iazko garai berarekin alderatuta, berriz, 3.491 langabe gutxiago daude.
Apiril bukaeran 195.440 behargin zeuden lanik gabe Araba, Bizkaia, Gipuzkoa eta Nafarroan.
Datuak:
Araba: 24.940 langabe. Martxotik: -276. Iazko apiriletik: - 2.399
Bizkaia: 86.111. Martxotik: -843. Iazko apiriletik: - 8.203.
Gipuzkoa: 41.510. Martxotik: - 256. Iazko apiriletik: -4.278.
Nafarroa: 42.879. Martxotik: -1.240. Iazko apiriletik: -3.491.
Hego Euskal Herria: 195.440. Martxotik: - 2.615. Iazko martxotik: -18.371.
