Applek 300.000 iPad saldu ditu lehen egunean

NEW YORK. Larunbatean izan zen salgai lehen aldiz Appleren azken produktua, tableta erako iPad konputagailua. Guztira, 300.000 gailu saldu zituen, enkargatutakoen eta AEBetako Appleren dendetan saldutakoen artean. Appleren telefono arrakastatsuak, iPhonek, 270.000 ale saldu zituen lehen egunean. Apirilaren amaiera aldera helduko da Euskal Herrira.