Arabak Esabe segurtasun enpresa zigortuko du

GASTEIZ. Arabako Foru Aldundiak bere egoitzetako segurtasunaz arduratzen den enpresa, Esabe, zigortu egingo du, abuztuan kontratua ez betetzeagatik. Zigorra 37.000 eurokoa izango da, baina erakundeak ez du kontratua bertan behera utziko. Arabako Foru Aldundiak ez ditu zehaztu zigorraren arrazoiak. Lan Ikuskaritzak Esabe zigortu zuen, besteak beste, soldatak ez ordaintzeagatik.