Arabako langileen "batasuna eta borroka" lortzea du xede plataformak. Gainera, eredu politikoaren aldaketa sustatu nahi dute, eta "demokratikoagoa, bidezkoagoa eta parte hartzaileagoa" bihurtu.
Gaur goizean David Garcia Laminaciones Arreguiko presidenteordeak azaldu duenez, hamabi sindikaturen eta hamabost gizarte talderen babesa jaso du plataformak. Bide batez, Arabako erakundeei ekimenera batzeko deia egin diete, eta lan erreforma ez aplikatzeko eskatu dute. Gizarte zerbitzuak, enpleguaren aldeko laguntzak eta zerbitzu publikoak bermatzeko eskaria ere egin diete erakundeei.
Garciak esn du "egoera jasangaitza" delako erabaki dutela batzea —aurreko urtean baino 4.500 langabe gehiago ditu orain Arabak—. PPk Arabako erakundeetan izandako jarrera ere kritikatu du, Rajoyren gobernuaren politikak "gizartearen parte hartzerik gabe" aplikatzen dituelako.
