Jon Abril Aralarreko koordinatzaileordeak adierazi duenez, «krisia ez dute langileek sortu, eta, beraz, ez dute langileek ordaindu behar. Krisi honetako kaltetuenak langileak izaten ari dira, eta administrazioek hartu dituzten neurriak langileen interesen eta eskubideen kontra doaz. Neurri horiek indarrean dagoen sistema bermatzen segitzea proposatzen dute. Horrek kalera ateratzera behartzen gaitu».
Euskal Herriko gehiengo sindikalaren iritzia kontuan hartu gabe, edo «iritziaren kontra», Espainian hainbat neurri hartzen ari direla salatu du Aralarrek. Baina Euskal Herriko administrazioek ere «neurri okerrak», hartu dituztela ziurtatu du Abrilek, besteak beste, zerga sistemanegindako aldaketak eta enplegu erregulazio espedienteak «sistematikoki onartzea».
Lan merkatua eta pentsio sistema erreformatzeko proposamen guztiak atzera botatzeko eskatu zuten atzo Ekologistak Martxaneko Pilar Barquinek eta Bilgune Feministako Miren Arangurenek, beste hainbat talderen izenean. Aberastasuna hobeto banatzea, zerga sistema bidezkoagoaeta gizarte babesa eta lan eskubideak handitzeko erreformak exijitu dituzte, besteak beste, Eguzki, Elkartzen, Herria 2000 Eliza, Mugarik Gabe, Etxeko Langileen Elkartea, Pangea eta Kira elkarteek.
Manifestazioak
Bilbo. Sindikatuetako buruak han direla, 17:30ean abiatuko da Jesusen Bihotza plazatik.Donostia. Bulebarretik, 17:30ean.
Gasteiz. Bilbo plazatik, 18:30ean.
Iruñea. Gazteluko plazatik, 18:00ean.
