Aralarrek kutxen bat egitearen aurka bozkatuko du

Aralarrek ez du berme nahikorik ikusten kutxek duten helburu sozial eta ekonomiko-produktiboei eusteko. Hori dela eta, fusioaren aurka bozkatuko duela iragarri du. Adostutako integrazio prozesuak «bankarizazioa» dakarrela salatu du alderdiak, eta «bankarizazioaren alde ilunenak ekiditeko konpromiso irmoagoak» behar direla azaldu du. Alderdiaren iritziz, obra sozialari eustea eta kapitalaren ordezkaritza eta kontrolari eustea, espreski baldintzatzen dute arauek. «Bermerik gabe geratzen da, beraz, bata zein bestea indarrean mantendu ahal izatea». Aralarrek dio bestelako aukerak egon badaudela, kreditu kooperatibak edota banka etikoa esate baterako.