Argindar tarifa arautua kendu nahi du Madrilek

MADRIL. Espainiako argindar merkatua erabat liberalizatu zenetik urte eta erdi pasatu badira ere, hamar herritarretatik zortzik edo gehiagok Espainiako Gobernuak ezartzen duen tarifa arautuan oinarritutako faktura jasotzen dute. Zapateroren gobernuak, ordea, merkatu librera jauzi egitera bultzatu nahi ditu herritarrak. Tarifa arautuari heltzeko baldintzak aldatzea litzateke bide bat; tarifa hori merkatu libreko prezioak baino askoz garestiago jartzea litzateke bestea.