Argindarra garestitzea onartezina da ELArentzat

BILBO. Argindarra %4,8 garestituko da urriaren 1etik Hego Euskal Herrian. ELArentzat igoera hori «onartezina eta moralgabea» da, aintzat hartuta krisi garaia dela, Espainiako Gobernuak hainbat murrizketa onartu dituela eta jende askok zailtasunak dituela aurrera egiteko. Sindikatuak gogorarazi du argindarra %2,6 garestitu zela urtarrilean, eta BEZa ere igo dela aurten. %10 inguru guztira.