Atzerriko deiak merkeago uztailaren 1etik aurrera

BRUSELA. Europako Parlamentuko batzarraren erabakiz, atzerrian sakelako telefonoak erabiltzea merkeago izango da uztailaren 1etik aurrera. Deiak egiteak 29 zentimoko kostua izango du minutuko, eta idatzizko mezuak bidaltzeak, bederatzi zentimokoa. Orain artean, 35 zentimo ordaintzen zen minutua eta 11 zentimo mezu bakoitza.