Patxi Lopez Eusko Jaurlaritzako lehendakariak aurrekontuen zirriborroak irailean aurkeztuko dituela iragarri du. Lehenengo PPrekin batzartuko dela gaineratu du. "Ziur gaude PPrekin akordioa lortuko dugula".
EAJrekin ere bilduko da, baina PPrekin elkartu ostean. EAJrekin ere akordio batera iristeko esperantza agertu du lehendakariak; "orduan ikusiko dugu EAJren zintzotasuna". Gainerako alderdiekin ere elkartuko dela iragarri du Jaurlaritzako lehendakariak.
Ezkerreko alderdiekin biltzea, aldiz, ez dago lehendakariaren lehentasunen artean, "hauteskundeetako kalkuloak egiteko garaia" ez delako haren ustez.
Aurreko gobernuari kritikak
Juan Jose Ibarretxek gidatutako Jaurlaritzari "diru asko gastatzea" leporatu dio Lopezek, eta "beharrezkoa ez zen gastu kanpaina bati gogo handiz ekin izana". Iñigo Urkullu EAJko Euskadi Buru Batzarreko presidenteak erantzun dio, "aurreko kudeaketa onari esker zorpetu daitekeela egungo Jaurlaritza".
Ekonomia
Aurrekontuak irailean aurkeztuko dituela iragarri du Lopezek
Lehenbizi PPrekin batzartuko dela jakinarazi du, eta ondoren EAJrekin.
Iruzkinak
Ez dago iruzkinik
Ordenatu
