Hilabete bakar batean, %1,8 merkatu dira prezioak Hego Euskal Herrian. INEren arabera, neguko merkaldia izan da horren eragile nagusia, %15,5etik gora merkatu baitira arropa eta oinetakoak. Garraioari lotutako prezioek izan dute hurrenkeran bigarren jaitsiera, %2,6koa. Multzo horretan sartzen dira erregaiak.
Hain zuzen, erregaien salneurriek izandako jaitsiera da urtearteko inflazioa negatiboan egotearen arrazoi nagusia ere. Batez beste, iazko urtarrilean baino %1,1 merkeago zeuden prezioak aurtengoan. Aspaldian ez zen hainbesteko alderik egon urte batetik bestera: gora bai, baina behera ez. Garraio gastuak %7 inguru merkatu dira, eta hura da jaitsierarik handiena izan duen multzoa.
Azken urtebetean, sei alditan izan da negatiboa urtearteko inflazioa.
