Azkue: «Antxoaren kostera normal hasi da»

DONOSTIA. Martxo erdialdean hasi zen antxoaren kanpaina Kantauri itsasoan. Orain arte, ordea, 6.000 tona eskas deskargatu dira Gipuzkoa eta Bizkaiko portuetan. Jon Azkue Arrantza sailburuordearen esanetan, «normal» hasi da kanpaina. Gogorarazi du azken urteetan apiril erdialdean azeleratu izan direla harrapaketak, ura gradu bat inguru berotzen delako. «Espero dugu aurten ere dena ondo joango dela eta laster hasiko garela espezie hori dastatzen», adierazi du.