Azpeitiko Corrugados enpresako langileek ez dute amore eman nahi, eta datorren igandean ehun egun beteko dituzte greban. Enpresako zuzendaritzak 60 langile kaleratzeko asmoa du —duela hilabete batzuk, ehun bidali zituen—; gainontzeko langileei soldata %35 jaitsi nahi die, eta urteko lanaldia 49 ordu luzatu.
Corrugadoseko langile batzordeak orain egun batzuk bilera egin zuen zuzendaritzarekin, baina ez zuen gustura amaitu. Zuzendaritzak beharginei "aurpegira barre" egin nahi die, langile batzordearen arabera, eta joan den hilaren 11n, greban segitzea erabaki zuten beharginek, baita azken asteetako itxialdian segitzea ere; dena dela, itxialdia gaur eman dute bukatutzat.
Urola Kostako Hitza-k gaiari buruzko bideo erreportaje bat egin du.
