Bankuak nazionalizatzeko plana aurrera Alemanian

BERLIN. Finantza krisiaren eraginez zulotik atera ezinik dauden bankuak nazionalizatzeko bidea ireki du Alemaniako Gobernuak. Atzo, kritikak kritika, Ministroen Kontseiluak lege proeiktua onartu zuen. Hala, Estatuak bost urtez bermatuko du arazoak dituzten bankuen zorra. Plana HRE bankuarentzat prestatu da batik bat, bera baitago egoerarik larrienean.