Bankuen gehiegikeriak alor publikoak pagatuko dituela salatu du ELAk

Adolfo Muñoz ELAko idazkari nagusiak gogor kritikatu du banku txarraren sorrera: «Estatuak bankuen galerak bere egiten ditu. Operazio hau benetako iruzur bat da, eta murrizketa sozial gehiago ezarriz ordainarazi nahi digute». Muñozen arabera, PPk eta PSOEk onartu egin zieten bankuei higiezin aktiboak puztea. «Argi geratu da dena gezur hutsa zela, aktibo horien balioa ez delako merkatura egokitu». ELAren ustez, orain banku txarraketxebizitza horiek salduko ditu merkatuko prezioetan baino garestiago, bankuei kalterik ez eragiteko. «Banku txarraren bitartez, estatua higiezin agentzia erraldoi bat bihurtuko da, bankuen galera pribatuak diru publikoz ordaintze aldera».