LAB
Batasun sindikala berreskuratzea proposatu dio LABek ELAri
LABek datozen urteetarako prestatu duen programa sozioekonomikoa aurkeztu du Bilbon. LABeko idazkari nagusi Rafa Diezek azaldu duenez, "programaren helburua burujabetzan sakontzea eta eraikuntza nazionala eduki sozialez betetzea da". Diezek batasun sindikala berreskuratzea proposatu dio ELAri.
Diezek aipatu duenez, "burujabetza helburu duen prozesu bati ekiteko ezinbestekoa da beste hainbat indar sindikalekin elkarlanean aritzea. Hori dela eta, ELArekin batasun sindikala berreskuratzea komenigarria izango litzateke". Rafa Diezek eraikuntza nazionala eduki sozialez betetzearen garrantzia nabarmendu du. "Ezinezkoa da nazio eraikuntza bultzatzea neoliberalismoaren bidetik. Burujabetzak eduki sozialak behar ditu, ezinbestean".
Iruzkinak
Ez dago iruzkinik
Ordenatu
