Batez besteko hipoteka %11,4 garestituko da

DONOSTIA. Iragan hileko atsedenaldia hautsi, eta uztailean gorantz egin du Euriborrak. Hipotekak kalkulatzeko gehien erabiltzen den indizeak %2,183an bukatuko du hilabetea. Ondorioz, hileroko kuotak garestitu egingo zaizkie datozen egunetan hipoteka berrikusi behar dutenei. Batez besteko hipoteka baten jabeak—160.000 euro 30 urtean itzultzeko eta %0,5eko diferentzialarekin— hilean 66 euro gehiago edo urtean 792 euro gehiago pagatu beharko dizkio finantza erakundeari.