BBVAk 4.210 milioi euro irabazi zituen iaz

Krisi ekonomikoa egon arren, BBVAk ere irabaziak izan zituen joan den urtean, gaur berak jakinarazi duenez. Hain zuzen, 4.210 milioi euroko etekina eduki zuen. 2008an baino %16 gutxiago irabazi zuen, baina ez ditu kontuan hartu ezohiko sarrerak eta dotazio batzuk; horiek aintzat hartu izan balitu, 5.260 milioi euro irabaziko zituzkeen -2008an denera 5.020 irabazi zituen-.



Berankortasun tasa %4,3koa izan zuen BBVAk, duela bi urte baino %2 handiagoa. Kutxen batez bestekoa %5,26koa izan zen 2009an.

Bezeroei emandako maileguen kopurua 332.162 milioi eurokoak izan ziren, 2008an baino %1,2 txikiagoa.

Egunotan jakin denez, Euskadiko Kutxak 56,5 milioi euro irabazi zituen iaz eta Kutxak 103,2.