Silvio Berlusconi Italiako lehen ministroak gaur berriro esan du ez duela dimisiorik emango, baina jakinarazi du orain bi aste eurogunearekin lortutako akordioa parlamentura eramango duela, legebiltzarkideek neurrien alde edo kontra bozka dezaten.
G20 taldeak ostiralean iragarri zuen Italiako ekonomian esku hartzea erabaki duela, ikuskariak jarrita.
"Bihar estatuaren iazko kontuak bozkatuko ditugu, eta orduan Europako Batasunean eta Europako Banku Zentralean aurkeztutako gutunari buruzko konfiantza mozioa planteatuko dut", esan du Berlusconik gaur, Libero egunkarian. "Traizionatu nahi nauenaren aurpegia ikusi nahi dut".
