BEZaren igoeraren beldur dira Arabako saltokietan

GASTEIZ. BEZaren igoeraren beldur dira Arabako paper dendak, loradendak eta ile apaindegiak. Izan ere, denda horien kasuan, BEZa %8tik %21era igoko dute. Jarduera horietan nabarituko da gehien zerga horren igoera; hala salatu dute Arabako merkataritza eta zerbitzuen elkarteak. Urteko lehen seihilekoan salmentak jaitsi egin dira denda horietan, eta, BEZaren igoera dela eta, bigarrengoan ere bide beretik jarraituko dutela espero dute.