Bi langile hil dira Corellako (Nafarroa) araztegian lanean ari zirela. Langileak hiru metrotatik hondakin urak zituen putzura erori dira. Nafarroako Gobernuak jakinarazi duenez 14:22tan gertatu da lan istripua. Larrialdi zerbitzual bertaratu dira baina ezin izan dute langileen bizitza salbatzeko ezer egin. Foruzaingoa gertatutakoa ikertzen ari da.
Nafarroako Gobernuak zabaldu duenez bi hipotesi nagusi daude langilen heriotzaren inguruan; uretan itota hil izana edo oxigenorik gabe gelditu izana ur zikinek botatzen dituzten gasen ondorioz.
Suhiltzaileak gorpuak erreskatatzeko lanetan ari dira.
LABen arabera 27 dira aurten lanean ari zirela hildako langileak. Horietako 4, Nafarroan hil dira.
