2012ko apirilera arte egin behar da atzera halako igoera ikusteko. Orduan, hilabete bakar batean %1,3 garestitu ziren salneurriak. Oraingoan, %0,9. Arropa eta oinetakoak nahiz aisiari eta kulturari lotutako produktuak garestitu dira batik bat. Aste Santuan apirilean egokitu da aurten, eta horrek ere izan du zerikusia.
Dena den, kontuan hartu behar da iaztik soilik %0,4 igo direla prezioak. Irailetik hona, -%0,1 eta %0,5 artean ibili da inflazioa. Urteko lehen lau hilabetean iazkoekin konparatuta, esaterako, %0,4 merkatu dira gehien kontsumitzen diren produktuak.
