Era berean, 698.897ra igo dira gaua igaro duten bidaiariak, iazko abuztuan baino 39.540 gehiago (%6). Eustatek emandako datuen arabera, Penintsulatik etorritako bidaiarien kopurua %9,4 hazi da, eta hortik kanpoko atzerritarrena, %1,6 jaitsi.
Lurraldeka, Araban %11,7 igo dira bidaiariak abuztuan. Penintsulatik kanpokoen taldea igo da gehien (%16,2); Bizkaian %4,6 egin du gora kopuruak, penintsulako turistei esker (%14,5); eta Gipuzkoan %0,9 igo da indizea. Gertuko turisten kopurua zertxobait igo da (%3,5), eta penintsulatik kanpokoena zertxobait jaitsi (%2).
